Во отсуство на Марк Маркез, сезоната 2020 во Мото ГП донесе огромни возбудувања и дури девет различни победници. Во целата ситуација најдобро се снајде Жоан Мир, кој денеска на една трка пред крајот стана нов светски шампион.
Младиот Шпанец рутински одработи на втората трка во Валенсија, финишираше како седми и ја обезбеди титулата, која е прва за Сузуки по 20 години.
Што се однесува до победникот, Франко Морбидели водеше од прв до претпоследен круг, за неколку пати во последниот круг да има промена на позицијата со Џек Милер. Италијанецот сепак остана присебен, не потклекна под притисокот и прв мина низ целта.
Последното место на пиедесталот му припадна на Пол Еспаргаро на КТМ.
🔝 @FrankyMorbido12 holds off @jackmilleraus in an epic final lap!
— MotoGP™🏁 (@MotoGP) November 15, 2020
Seventh place is enough to crown @JoanMirOfficial the 2020 #MotoGP World Champion! 🏆@motul | #M1R pic.twitter.com/YsSyRpsh8A
