Клучен ден за одбојкарите

Што треба да се случи за македонските одбојкари да се пласираат на ЕП?

Денеска е клучниот ден за македонската одбојкарска репрезентација, но пласманот на Европското првенство не зависи само од натпреварот на нашата селекција со Унгарија.

Македонија денеска со почеток од 20:15 часот го игра последниот квалификациски меч со селекцијата на Унгарија, но во фокусот ни се уште два натпревари.
 
Нашите одбојкари треба да ја победат Унгарија со 3-0 за да ја заверат втората позиција во нашата група, а дали тоа ќе биде доволно за едно од петте најдобри втори места во квалификациите ќе дознаеме пред почетокот на нашиот меч.
 
Од 17 часот играат Шведска и Азербејџан, во овој дуел потребна ни е победа на Швеѓаните. 
 
А од 18:30 часот потребна ни е победа на Летонија против Израел. Летонците се домаќини во овој меч, но се најслабата селекција во својата група со само еден освоен сет на досегашните три одиграни меча.
 
Капитенот Никола Ѓорѓиев верува дека Шведска и Летонија ќе победа, а ние ќе славиме над Унгарците по што ќе се радуваме на историски пласман на Европско првенство.
 
„Атмосферата е на пониско ниво, меѓутоа тоа може да биде и предност за нас. Со позитивна мисла можеме да направиме подобра игра и подобар резултат отколку со Украина. Многу работи може да се променат во зависност од резултатите од другите натпревари коишто се пред нашиот, но ние мора да победиме без оглед дали тие резултати ќе ни одговараат или не. Сакаме да завршиме со победа, а ако даде Бог, да одиме на Европското првенство 2019. Ако не можеме, треба да мислиме на иднината и на нашиот рејтинг со цел да имеме подобра ждрепка за наредниот циклус којшто ќе почне во 2020-тата. Јас имам некое чувство дека Летонија и Шведска ќе победат и дека со наш триумф над Унгарците ќе се радуваме на пласман“, вели Ѓорѓиев.

Во дипломатијата како гранка од јавно политичкиот живот професионалните кадри треба да бидат повеќе застапени од политичките.

повеќе

Апелирам до лидерите на партиите да не им „помагаат" на кандидатите.

повеќе

Во ерата во која сите напредни земји во светот престануваат со употреба на фосилни горива, ние отвораме нови наоѓалишта, наоѓаме оправдување за исцрпување на необновливите ресурси и за активирање на најголемата глобална закана за морската биолошка разновидност.

повеќе