Европско првенство 2019

Се урна сонот на Македонија за осминафинале, Турција загуби од Финска

Македонија не успеа да се пласира во осминафиналето на Европското одбојкарско првенство откако Турција со 3-2 во сетови загуби од селекцијата на Финска во натпреварот кој ја креираше нашата судбина.

Победите над Белорусија и Словенија не беа доволни за Македонија да се пласира во осминафиналето на Европското првенство.
 
Денеска нашата судбина ја кроеа Турците, требаше да ја победат Финска но не успеаа да го направат тоа, го загубија мечот, а по него ние сме потажни отколку тие.
 
Финска го доби првиот сет со 25:20, а потоа Турција се крена и ги доби следните два сета многу убедливо со 25:15 и 25:18, во тие моменти работите одеа во наша полза.
 
И во четвртиот сет Турција имаше водство, но финишот им припадна на Финците, тие го добија со 25:23 и мечот отиде во петти решавачки сет. Во тој доминираше Финска го доби со 15:12 и победи со 3-2.
 
Овој пораз не им смени ништо на Турците, тие останаа на третото место на табелата, но нас ни смени многу, ние не одиме во осминафинале.
 
И покрај тоа што натпреварувањето го завршивме во групната фаза, македонските одбојкари можат да бидат задоволни од прикажаното, покажаа дека имаат сила да се носат со најдобрите европски селекции и имаме штоф и за поголеми успеси во иднина.
 

Ајде од понеделник да се посветиме сериозно на „носење на Европа" во нашата држава.

повеќе

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе