Формула 1

Ред Бул го надмудри Мерцедес во боксот, Верстапен за прв пат триумфира во САД!

Макс Верстапен се радува на прва победа во САД, Холанѓанецот го доби дуелот со Луис Хамилтон благодарејќи на подобрата стратегија на Ред Бул.

Макс Верстапен има 12 бода предност во генералниот пласман откако вечерва беше подобар од Луис Хамилтон во Остин. Холанѓанецот лошо ја започна трката, ја загуби предноста уште во првиот свиок, но Ред Бул со добра стратегија успеа да го врати на чело на колоната.

Со тоа што влезе неколку кругови порано во бокс, Макс Верстапен изби на првото место, додека пак Луис Хамилтон се надеваше дека со посвежи гуми во финишот од трката ќе може да атакува на победа.

Сепак, до нов дуел не дојде, Макс Верстапен умешно ја одржуваше предноста и на крајот мина прв низ целта со 1,3 секунди предност.

Последното место на пиедесталот му припадна на Серхио Перез, кој не можеше да го следи водечките болиди и заостана преку 40 секунди.

Во бодови уште завршија Шарл Леклер, Даниел Рикардо, Валтери Ботас, Карлос Саинц, Ландо Норис, Јуки Цунода и Себастијан Фетел.

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе