Здравствената состојба на Германецот останува тајна

Поранешниот менаџер на Шумахер обвинува: Сопругата ја крие вистината, затоа не ми дозволува да го посетам

Поранешниот менаџер на Михаел Шумахер, Вили Вебер ја обвини сопругата на Германецот дека ја крие вистината за здравствената состојба на седумкратниот светски шампион и затоа не му дозволува да го посети својот добар пријател.

Михаел Шумахер во декември 2013 година имаше скијачка несреќа на Алпите и заработи повреда на главата. И покрај тоа што поминаа многу години, во јавноста има малку информации за неговата здравствена состојба.

Семејството не открива детали, а ретко дозволува никој поранешен соработник да го посети Германецот, па затоа само од време на време првиот човек на Формула 1, Жан Тод ќе соопшти некое ново инфо.

Контакт со Михаел Шумахер нема ниту неговиот поранешен менаџер Вили Вебер, кој околу 20 години се грижеше за неговата кариера и му обезбеди неколку богати договори.

Во разговор со медиумите од Германија, тој сега ја обвини сопругата на Михаел Шумахер, вели дека таа ја крие вистината, па затоа не му дозволува да го посети својот добар пријател.

„Знам дека Михаел беше сериозно повреден и ништо повеќе, не знам дали има забележано прогрес или нешто слично. Се прашувам како е, дали може да се поздрави или да направи гест со лицето. Би сакал да го видам, но неговата сопруга Корина не ми дозволува. Таа се плаши дека ќе видам што се случува и ќе ја објавам вистината. Верувам дека може да се опорави, бидејќи знам дека е голем борец.  Доколку има шанси, тој ќе успее. Ова не може да биде крајот. Се молам секој ден за него и убеден сум дека ќе го видиме повторно“ – вели Вили Вебер.

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе