Соопштение на ОК Вардар

ОК Вардар има забелешки за финансискиот извештај на Одбојкарската федерација: Фалат милион денари?

Одбојкарскиот клуб Вардар обвинува дека разликата меѓу финансискиот извештај на Одбојкарската федерација на Македонија кој е поделен на клубовите се разликува од извештајот за завршна сметка кој е поднесен во Централниот регистар. 

Во саботата во Штип беше одржано изборно собрание на Одбојкарската федерација на Македонија на кое за претседател беше реизбран Петар Јовановски.
 
Но, раководството на ОК Вардар има замерки за случувањата на собранието особено за финансискиот извештај кој клубовите го добиле многу подоцна од предвидениот рок. Дополнително велат дека финансискиот извештај се разликува за речиси милион денари од завршната сметка на федерацијата во Централниот регистар.
 
Поради тоа финанискиот извештај не е изгласан, пратен е на преработка и ревизија од реномирана ревизорска куќа.
 
Соопштението на ОК Вардар ви го пренесуваме во целост:
 
Почитувани
 
Би сакале да ја инфоримираме Македонската јавност, а особено Одбојкарските љубители за дел од случувањата на саботното собрание на одбојкарската федерација, посебно за финансискиот извештај кој ни беше доставен неполни 10 часа пред одржување на собранието, со што беа прекршени и одредбите од статутот за свикување на собранието односно прекршен е член 21 согласно кој сите материјали за собранието МОРА да се достават заедно со поканата минимум 8 дена пред одржувањето на собранието, со што се доведува во прашање и легалноста на собранието.

Преку доцна доставениот извештај и ќе можевме да поминеме, доколку беше соодветно изготвен и со точни бројки, но документот од една страна е целосно неточен и со огромен број на грешки. НЕДОЗВОЛИВО за федерација која има буџет од повеќе од 32.000.000 денари.

Кога клубовите ги забележаа недоследностите во финансискиот извештај, едногласно се одлучи истиот да се повлече и да се преработи, а дополнително да се направи и ревизија од реномирана ревизоркса куќа.

Причините поради кои не им помина финансискиот извештај на собранието се следни:

1.      Финансискиот извештај даден на членовите на собранието во делот на приходи се разликува за безмалку 1 милион денари со извештајот даден при завршна сметка во Централен регистар.
2.      Никаде не е наведено по кои основи прима пари федерацијата.
3.       Не е наведено дали федерацијата има девизни приливи, а мора да има бидејќи средствата добиени од ЦЕВ се исплаќаат на девизна сметка, како и сите средства од сертификатите за македнските играчи кои играат во страство.
4.      Не е наведено на кои правни субјекти се исплаќаат средствата, за кои лица е исплатено плата и кои клубови добиле поддршка?
5.      Нема информација кога и кој ги одобрил трошоците на федерацијата и кога е усвоен буџетот.
6.      Кој клуб платил котизација и колку се долговите на клубовите?
Да напоменеме дека ОК Вардар беше казнет и суспендиран за натпревари за наводен долг спрема федерацијата и моравме за еден ден да исплатиме 600.000 мкд за да не биде суспендираме од првенството, а на казната немаше право на жалба.

Искрено се надеваме дека сите овие недоречености во извештајот се случајни грешки и дека доцното доставување на извештајот до клубовите е поради немање време да се подготви порано, а дека ревизијата ќе докаже дека се работело согласно закон, но за ова мора да ја известиме јавноста бидејќи преголем е бројот на “случајни грешки” кои се случија на собранието.

Во прилог Ви ги доставувам финансискиот извештај од Одбојкарска федерација и финансискиот извештај од Централен регистар.
 
Спортски поздрав
Серафимов Влатко - ОК Вардар Скопје

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе