Квалификации за ЕП 2020

Нов пораз на ракометарките, Чешка убедливо ја совлада Македонија среде Скопје

Женската ракометна репрезентација на Македонија го загуби и вториот натпревар во квалификациите за Европското првенство, вечерва Чешка триумфираше во Скопје со убедливи 29-37.

Шансите за настап на континентален собир драстично ни се намалија, женската ракометна репрезентација на Македонија го забележа и вториот пораз во квалификациите, денеска загуби на домашен терен од главниот конкурент за второто место во групата.

Чешка си замина од Скопје со убедлив триумф од 29-37 и покрај тоа што почетокот на мечот не навестуваше такво нешто.

Избраничките на Симовски беа сосема солидни во првото полувреме, и со серија од 4-0 во финишот се изборија за 14-14 на одморот.

Рамноправна игра имаше и во првите десет минути од вториот дел, но потоа Чешка се одлепи на +4 (20-24). Ова водство на противникот како да го скрши духот на ракометарките, одбраната се распадна, нападот не функционираше па предноста на гостите постојано растеше за конечни 29-37.

Следниот натпревар Македонија го игра на гости кај Португалија, на 25 или 26. март следната година.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе