Шпанецот е комплетно подготвен

Надал и дефинитивно ќе игра на Австралија опен

Рафаел Надал ги израдува своите навивачи со добри вести пред почетокот на Австралискиот Опен. Матадорот увери дека е здрав и не чувствува болка по егзибициските дуели во Сиднеј, во кои зеде учество.

Светскиот рекет бр.2 се повлече од учество на турнирот во Бризбејн поради проблем во левото колено, што предизвика грижи кај фановите за неговото учество во Мелбурн.

Шпанецот нема играно официјален натпревар од полуфиналето на Ју Ес Опен против Хуан Мартин дел Потро, кога проблем во коленото го натера да се откаже во текот на дуелот. Во ноември, тој беше подложен на операција на глуждот и ги обнови тренинзите пред еден месец.

Надал играше во првиот круг на егзибицискиот турнир во Абу Даби пред Нова Година, каде загуби од Кевин Андерсон, а потоа не излезе за дуелот за третото место.

– Не чувствувам болка. Мислам дека тоа беше добар почеток за мене, подобро враќање во играта пред извонредната публика во Сиднеј. Уживав во играта тука, и среќен сум што ќе се вратам на теренот, изјави Надал по турнирот „Фаст4“, во кое тој и Милош Раониќ го оформија тимот на светот против Австралијците Ник Кириос и Џон Милман.

Надал верува дека може да го освои овогодинешното издание на Австралија опен.

– Зошто да не? Не може да го предвидите тоа. Се разбира, би било подобро ако имав шанса да го одиграм целиот турнир во Абу Даби и турнирот во Бризбејн, но најважно е дека се чувствувам добро со топчето. Единственото лошо е дека не сум играл натпревари долго време, додаде шпанскиот тенисер.

Апелирам до лидерите на партиите да не им „помагаат" на кандидатите.

повеќе

Во ерата во која сите напредни земји во светот престануваат со употреба на фосилни горива, ние отвораме нови наоѓалишта, наоѓаме оправдување за исцрпување на необновливите ресурси и за активирање на најголемата глобална закана за морската биолошка разновидност.

повеќе

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе