МЗТ Скопје

МЗТ Скопје ќе ги нападне сите титули во домашното првенство и ќе брка опстанок во АБА лигата

Македонскиот шампион, МЗТ Скопје на денешната прес-конференција ги соопшти целите за новата сезона, а тоа се домашна доминација и опстанок во најдобрата АБА лига. 

Фото: МЗТ Скопје
Само ден по освојувањето на Суперкупот, МЗТ Скопје организираше прес-конференција на која говореа директорот Филип Ѓоревски, тренерот Александар Петровиќ и капитенот Дамјан Стојановски.
 
„Целите на МЗТ Скопје Аеродром како и секоја сезона се атак на сите трофеји во домашниот шампионат и што е можно подобро претставување на македонската кошарка на интернационално ниво. Не сакаме да си создаваме дополнителен притисок околу резултатите и затоа ќе одиме меч по меч. Се обидовме да собереме се што е најдобро од мак кошарката во моментов како и со странски засилувања дополнително да го засилиме тимот“ , изјави Ѓоревски.
 
Тренерот Александар Петровиќ проговори и за саботниот меч против Црвена звезда во Белград, кој е прв од новата сезона во АБА лигата.
 
„Пред нас е интересна, но пред се тешка сезона. МЗТ сезонава ќе напаѓа на сите домашни титули, а наша примарна цел е да се опстане во АБА, која е меѓу трите најдобри лиги во Европа. Веќе в сабота нè очекува дуел со Црвена Звезда, евролигашка екипа со буџет кој е десет пати поголем од нашиот. Но, нема да одиме со бело знаме, ќе дадеме сè од себе колку што можеме. Имаме и повредени играчи, но и покрај тоа одиме да се надигруваме и да уживаме. Во првите пет кола имаме четири средби со главните претенденти за освојување на АБА лигата. Очекувам добра сезона, да нè служи здравјето, задоволен сум од работата на играчите на тренинзите и натпреварите“, изјави Петровиќ.
 
Дамјан Стојановски рече дека кошаркарите ќе одат на победа на секој натпревар.
 
„За два дена за нас стартува АБА-лигата, која е меѓу трите најквалитетни во Европа. Пред нас е напорна и тешка сезона, но ќе одиме на победа на секој натпревар. Во АБА секој дуел за нас ќе биде финале, а секоја победа – злато вредна. Се надевам на што е можно повеќе победи и добра презентација на македонската кошарка “, изјави Стојановски.

Легенда под Главна слика

Фото: МЗТ Скопје

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе

Ракот на корупцијата и понатаму е ендемичен, а актуелната власт сè повеќе потпаѓа под лошите навики на претходниот режим на Никола Груевски.

повеќе