Олимписки игри

МОК ги претстави олимпијците, Македонија ќе оди на медал во Токио

Македонскиот олимписки комитет денеска ги претстави спортистите кои ќе ја претставуваат Македонија на Олимписките игри, знаменосецот Дејан Георгиевски цели на медал. 

Фото: МОК
Македонија на Олимписките игри во Токио ќе биде претставувана од осум наши спортисти, Дејан Георгиевски (таеквондо), Миа Блажевса Еминова и Филип Дерковски (пливање), Јован Стјокоски (атлетика), Арбреша Реџепи (џудо), Борјан Бранковски (стрелаштво), Пуликсенија Јовановска (карате) и Магомедгаџи Нуров (борење).
 
Македонското знаме на Олимписките игри ќе го носи таеквондистот Дејан Георгриевски, а според новите правила на ИОК, знаменосец треба да биде и девојка, па друштво ќе му прави и џудистката Арбреша Реџепи.
 
„Мојата цел не е само да учествувам на Олимпијадата, тука да освојам медал. Јас во Токио ќе бидам еден од најдобрите 16 таеквондисти. Повеќето од противниците веќе ги имам победувано и верувам дека ќе можам да се вратам со медал, и тоа не со било каков туку со златниот. Едноставно сигурен сум дека на овие ОИ можам да го победам секој противник“, самоуверено вели Дејан Георгиевски кој има најмногу шанси за успех од нашата експедиција.
 
Шанса за медал има и борачот Нуров кој со Дејан Георгиевски се двајцата наши спортисти со А норма за олимписките игри.
 
Нашите спортисти на ОИ во Токио ќе патуваат во три групи, во првата група ќе патуваат шест спортисти и нивните тренери, тие заминуваат во пето, потоа ќе пристигне каратиистката Пуликсенија Јовановска со својот тренер, а последен оди борачот Нуров.
 
Во групи се оди поради посебните ковид протоколи. Спортистите по завршувањето на својот настап на ОИ во рок од 48 часа мора да го напауштат Олимпиското село.
 

Легенда под Главна слика

Фото: МОК

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе