Европско првенство 2019

Македонските одбојкари го почнуваат настапот на Европското првенство

Македонската одбојкарска репрезентација денеска го почнува својот премиерен настап на Европските првенства, прв противник е селекцијата на Финска.

Денеска со почеток од 17:30 часот Македонија ќе дебитира на Европските одбојкарски првенства. Првиот противник е селекцијата на Финска со која можеме да се носиме.
 
Македонија ја искористи одлуката Европските првенства во одбојка да бидат проширени на 24 селекции и се избори за настап на континенталниот собир.
 
На хартија ние сме аутсајдери на шампионатот, но македонските одбојкари ќе направат се за дојстојно да го презентираат дресот на Македонија остварувајќи што е можно подобар пласман.
 
Прв противник ни е селекцијата на Финска, таа е фаворит против нас, но е во очајна серија, има 15 порази едно по друго. Тие се надеваат дека против Македонија ќе го прекинат црниот од, а ние посакуваме да им ја продолжиме таа лоша низа.
 
Македонија своите натпревари ги игра во Љубљана, покрај Финска во нашата група се и Белорусија, Русија, Турција и домаќинот Словенија. Првите четири репрезентации се пласираат во осминафиналето.
 
Распоред на натпреварите на Македонија:
 
12.09 Македонија - Финска 17:30
13.09 Македонија - Турција 17:30
14.09 Македонија - Русија 17:30
16.09 Македонија - Белорусија 20:30
17.09 Македонија - Словенија 17:30
 
Натпреварите од Европското првенство ќе бидат пренесувани на Македонската радио телевизија.

По определувањето на мерката ефективен притвор, притворениот раководен функционер не може да издава полноважни правни акти, меѓу другото, и поради фактот што го нема службениот печат.

повеќе

Вината за недобивањето на датум за преговори треба да ја барате во вас и вашите соработници и коалициски партнери.

повеќе

Ајде од понеделник да се посветиме сериозно на „носење на Европа" во нашата држава.

повеќе