Европско првенство 2019

Македонија не разочара, но загуби од Финска на стартот од Европското првенство

Македонската одбојкарска репрезентација со пораз од 3-1 (25:23, 25:22, 23:25, 25:21) од Финска го стартуваше својот деби настап на Европските првенства. 

Македонија го одигра првиот, историски натпревар на европските одбојкарски првенства, за жал го загубивме. Искуството и поширокиот ростер на квалитетни одбојкари пресуди за победникот.
 
Македонските одбојкари и покрај поразот се прикажаа во сосема солидно издание од кое можеме да бидеме задоволни.
 
Во првиот сет имавме предност од 20:16, но Финска успеа да го сврти мечот и да го добие сетот со 25:23, поведе со 1-0. Неизвесно беше и во вториот сет, но на крајот и тој им припадна на Финците, овој пат со 25:22.
 
Во третиот сет Македонија беше доминантна иако на крајот можевме од готово да направиме вересија, сепак нашите одбојкари беа поумешни и го добивме првиот сет на европските првенства, 25:23.
 
Во третиот сет дојде до израз искуството на Финска, заморот кај македонските одбојкари влијаеше на концентрацијата, не бевме на нивото на претходните сетови, го загубивме со 25:21 и противникот заслужено победи со 3-1.
 
Ристо Николов пријатно изненади, тој, капитенот Никола Ѓорѓиев и Љафтов го завршија мечот со по 14 поени, Манџуков имаше 12, Милев 10.
 
Утре во истиот термин Македонија ќе игра со Турција која денеска загуби од Русија со 3-1 во сетови.

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе

Наместо ефтини штосови на прес конференциите на СДСМ, ВМРО и ДУИ, на кои во несвест паѓаат само  партиските послушници, нивните лидери треба да одговорат на конкретни прашања.

повеќе