Формула 1

Луда трка во Хокенхајм, Верстапен слави триумф, Фетел од последен до второ место!

Макс Верстапен триумфираше на ГН на Германија, младиот Холанѓанец најдобро се снајде на влажната патека и мина прв низ целта пред Себастијан Фетел и Дани Квјат.

Дождот донесе луда трка во Хокенхајм, љубителите на Формула 1 можеа да уживаат во драма со многу излетувања и безброј претекнувања. Влажната патека и променливите временски услови предизвикаа неколку пати да се менуваат гумите и во целата гужва најдобро се снајде Макс Верстапен. 

Холанѓанецот го искористи пехот на Мерцедес и Шарл Леклер и мина прв низ целта пред Себастијан Фетел, кој стартуваше дури како 20-ти. Последното место на пиедесталот му припадна на Дани Квјат, кој исто така одлично се снајде во мешаницата. 

Денешната трка за Мерцедес беше јубилејна 200-тота на ГН на Германија, и наместо славје се претвори во кошмар. Од старт на првото и третото место, болидите на „сребрената стрела“ останаа без бодови. Хамилтон финишираше како 12-ти а Валтери Ботас не ја заврши трката откако двајцата излетаа на истото место.

Пех имаше и Шарл Леклер, кој излета додека се возеше под виртуелно безбедносно возило и се заби во ѕидот кога беше втор на патеката. 

Со фаворитите надвор од комбинација, на бодови се радуваа уште Ленс Строл, Карлос Саинц, Алекс Албон, Кими Раиконен, Антонио Џовинаци, Роман Грожан и Кевин Магнусен.

Тоа што е многу поважно е дека се работи за ПРЕТХОДНА проверка, а не за post festum ветинг.

повеќе

Како што расте бројот на оние кои објавуваат непроверени, лажни и злонамерни информации, така се зголемува и бројот на медиуми кои работат со проверка на факти и се борат за вистината во јавниот простор преку одговорно истражување.

повеќе

Единствена работа за која ние граѓаните не плаќаме данок, е воздухот кој го дишеме.

повеќе