Стјуардите пресудија дека ги прекршил правилата, но немало потреба за построга казна

Хамилтон ја задржа победата, доби само опомена

Луис Хамилтон ја задржа победата на ГН на Германија и покрај тоа што стјуардите пресудија дека ги прекршил правилата кога одлучи наместо да влезе во бокс да се врати на патеката.

Луис Хамилтон сепак ќе може да се радува на триумф во Хокенхајм. По крајот на трката и церемонијата, Британецот беше повикан на разговор со стјуардите кои го истражуваа неговиот потег кога во последен момент се реши да не влезе во бокс и преку тревата се врати на патеката.

Стјуардите по прегледување и преслушување на видео и аудио снимките, како и разговор со самиот возач, пресудија дека актуелниот шампион ги прекршил правилата, но веруваат дека потегот кој го направи возачот е вреден само за опомена а не за построга казна, па тој ќе ја задржи победата.

Во своето образложение, тие велат дека возачот и тимот ја признале грешката, и дека имало конфузија во комуникацијата за тоа дали Луис Хамилтон да влезе во бокс или не. Исто така инцидентот се случил под безбедносно возило, маневрот бил изведен на безбеден начин и во ниту еден момент немало опасност по друг натпреварувач.

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе