Се подготвува голем трансфер

Хамилтон имал две средби со Ферари: Не гледам ништо лошо во тоа што размислувам за својата иднина

Луис Хамилтон може да направи голем трансфер во Ферари, Британецот имал две средби со тимот од Маранели и вели дека не гледа ништо лошо во тоа што размислува за својата иднина.

Старо-новиот шампион во Формула 1, Луис Хамилтон има договор со Мерцедес само уште за 2020, па подолго време се шпекулира дека Британецот би можел да се испроба во најпрестижниот тим, Ферари.

Газета дело Спорт пренесе дека оваа година, Луис Хамилтон дво два наврати се сретнал претседателот на Ферари, Џон Елкан. По победата во Абу Даби и финишот на сезоната, Британецот ги потврди ваквите написи.

„Не гледам ништо лошо во тоа што размислувам за мојата иднина. Ќе треба да почекаме, одлично ми е во Мерцедес и нема да брзам со одлуката. Мислам дека е мудро да седнам и да размислам што сакам во последната етапа од мојата кариера. Едно е јасно, сакам да продолжам да победувам, но навистина не знам што ќе се случи“ – вели Луис Хамилтон.

Првиот човек на Мерцедес Ф1 тимот, Тото Волф сепак не е загрижен и верува дека ќе успеат да го обноват договорот на Луис Хамилтон.

„Ова е слободен свет, па прифаќам дека секој треба да види какви опции има и да донесе најдобра одлука за себе. Затоа немам никаков проблем. Возачите секогаш ќе се обидуваат да бидат во најбрзиот болид, и тимот кој го има најбрзиот болид секогаш ќе се обидува да го ангажира најдобриот возач“ – вели Тото Волф.

„Шарената револуција“ беше енергија и граѓански порив за промени. Малку застранивме.

повеќе

Државниот врв на Србија, вклучително и група лекари кои ја предводат борбата против ширењето на вирусот корона, во најмала рака го игнорираа влошувањето сè додека не заврши гласањето.

повеќе

Како Босна и Херцеговина се справи и се уште се справува со кризата предизвикана од пандемијата? Зошто немавме единствен кризен штаб на ниво на држава? 

повеќе