Ѓоковиќ со моќна партија го победи Медведев и по деветти пат го освои Австралија опен

Се очекуваше понеизвесно финале, но Новак Ѓоковиќ беше фантастичен, Данил Медведев се обидуваше да му парира, но рускиот тенисер немаше шанси.

 

Најтесно беше во првиот сет кој Новак Ѓоковиќ го доби со 7-5, следните два ги доби со 6-2 и 6-2. Наместо тениски маратон, добивме финале кое не траеше ни два часа.

 

Ѓоковиќ бавно го почна турнирот, се мачеше со повреда против Фриц, но како одминуваше времето играше се подобро, кулминацијата се случи денеска во финалето против Медведев во кое изгледаше супериорно. Ова за него беше девета титула на Австралија опен, вкупно 18. грен слем трофеј.