Вимблдон

Ѓоковиќ го демолираше Гофан, Србинот по 9-ти пат ќе игра полуфинале на Вимблдон

Новак Ѓоковиќ лесно се справи со Давид Гофан, го демолираше со 3-0 во сетови и за помалку од два часа се пласираше помеѓу четворицата најдобри на „Ол ингланд" клубот.

Познат е првиот полуфиналист на Вимблдон, Новак Ѓоковиќ се пласираше помеѓу четворицата најдобри откако поладнево со 3-0 во сетови го демолираше Давид Гофан.

Почетокот на мечот навестуваше неизвесност, Белгиецот имаше предност од 4-3 и на свој сервис водеше со 30-0. Но потоа популарниот Ноле ја покажа својата класа, направи брејк за 4-4, ги освои и следните два гема и го доби првиот сет со 6-4.

Давид Гофан како да се распадна во продолжението од натпреварот, па Србинот доминираше на теренот и го доби вториот сет со 6-0.

Третиот сет беше само рутина, актуелниот шампион не му дозволи на противникот да се врати во игра и го доби со 6-2 за победа по еден час и 56 минути игра.

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе