АТП Монте Карло

Фоњини го изненади Надал за прво Мастерс 1000 финале!

Фабио Фоњини приреди изненадуање во Монте Карло и го совлада Рафаел Надал со 2-0 во сетови, Италијанецот се избори за прво Мастерс 1000 финале каде противник ќе му биде Душан Лајовиќ, за кого исто така ова ќе биде прв ваков меч.

Прекината е низата на Рафаел Надал во Монте Карло, Шпанецот имаше 18 победи во малото кнежевство но попладнево загуби во пресметката со Фабио Фоњини.

Рафа немаше свој ден а Италијанецот знаеше како да го искористи тоа. Мечот почна со голема битка, двајцата тенисери загубија по два гејма на свој сервис.

При резултат 3-4 за Надал, Фоњини му зададе удар на противникот, сврза три гејма во своја корист и го доби првиот сет со 6-4.

Шпанецот во продолжението од дуелот никако не влегуваше во ритам, па Фоњини поведе со 5-0 во вториот сет. Рафа покажа дел од својот репертоар во финишот, но веќе беше доцна, Фоњини со сигурен сервис стигна до 6-2 и голема победа.

За Италијанецот ова е прво Мастерс 1000 финале каде ќе се сретне со Србинот Душан Лајовиќ, за кого исто така ова ќе биде прв ваков меч.

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе