Формула 1

Фетел конечно се радува на прва пол позиција оваа година, Германецот постави нов рекорд во Канада!

Себастијан Фетел конечно ќе стартува од пол оваа сезона, Германецот денеска беше најбрз во квалификациите за ГН на Канада со нов рекорд на патеката „Жил Вилнев".

Конфигурацијата на патеката во Монтреал одговара на болидот на Ферари кој има помоќен мотор од оној на Мерцедес и се очекуваше тимот од Маранело конечно да ја прекине доминацијата на „сребрената стреала“.

На последниот слободен тренинг доминираа Фетел и Леклер, но Луис Хамилтон во квалификациите покажа дека нема лесно да се откаже и ќе пружи жестока битка.

Токму Британецот беше на провизорна пол-позиција со постигнување од 1:10.493. Актуелниот шампион дури успеа и за нијанса да биде подобар во својот втор брз круг со време од 1:10.446.

Сепак, последниот збор го имаше Себастијан Фетел, кој забележа круг од 1:10.240 за пол и нов рекорд на патеката „Жил Вилнев“.

Како трет утре ќе стартува Шарл Леклер, кој беше далеку побавен од својот тимски колега, а на позицијата број 4 се најде Даниел Рикиардо. Потоа следуваат Пјер Гасли, Валтери Ботас, Нико Хулкенберг, Ландо Норис, Карлос Саинц и Кевин Магнусен.

Макс Верстапен имаше мал баксуз и ќе стартува како 11-ти откако не успеа да постигне брз круг поради сударот кој го имаше Кевин Магнусен, кој на крајот од вториот дел од квалификациите удри во „ѕидот на шампионите“ и го уништи својот болид.

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе