Формула 1

Ферари го изненади Мерцедес во квалификациите но пак ја оплеска во трката, Ботас победи во Сузука

Ферари го окупира првиот ред во квалификациите за ГН на Јапонија, но црвените болиди лошо стартуваа па Валтери Ботас стигна до победа во Сузука и се радуваше на прв триумф по шест месеци.

Поради тајфунот Хагибис, квалификациите во Сузука беа поместени во ист ден со трката, и утрово Ферари ги изненади ривалитеи и го запоседна првиот ред, Себастијан Фетел со рекорден круг стигна до пол позиција, а Шарл Леклер до второто место.

Но како и многу пати оваа сезона, тимот од Маранело ја оплеска во трката. Црвените болиди имаа ужасен старт, Валтери Ботас од третата позиција ги претекна веднаш и прв влезе во првиот свиок, а за маката да биде поголема, Леклер се судри со Верстапен и го оштети предното крило.

Финецот имаше одлично темпо, ривалите не можеа да го следат, па тој рутински стигна до победа на ГН на Јапонија и се радувашена прв триумф по шест месеци.

Себастијан Фетел мораше да се задоволи со финиш на второто место, а Луис Хамилтон со последното место на пиедесталот.

Ваквиот расплет на настаните значеше нова титула за Мерцедес како конструктор, односно шеста во низа со што го изендначи постигнувањето на Ферари од 1999 до 2004. Валтери Ботас ја намали предноста на Хамилтон, но Британецот има комотна позитива од 64 бода и веќе на следната трка во Мексико ќе има шанса и математички да ја осигура титулата.

Секој може да биде менаџер во „добри денови", но најчесто менаџерската работа не е за „добрите денови" туку постојан баланс помеѓу проблемите и можностите за оптимизирано управување на компанијата.

повеќе

Нека се соберат во Дојран, нека се договорат и нека нѐ известат. Сите други пак нека се спремаат за вистински избори во постпандемискиот период.

повеќе

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе