Формула 1

Фантастичен круг на Леклер за пол позиција во Спа

Ферари го запоседна првиот ред во квалификациите за ГН на Белгија, Шарл Леклер со фантастичен круг стигна до пол позиција пред тимскиот колега Себастијан Фетел и двоецот на Мерцедес.

Патеката во Спа одговара на болидот на Ферари поради долгите превци и брзите свиоци па се очекуваше тимот од Маранело да понуди најмногу.

Шарл Леклер на слободните тренинзи покажа дека за нијанса е подобар од конкурентите, и младиот возач од Монте Карло тоа го демонстрираше и на денешните квалификации.

Со фантастичен круг и време од 1:42.519, Шарл Леклер стигна до пол позиција на ГН на Белгија, негова трета оваа сезона.

Себастијан Фетел застануваше многу зад својот тимски колега, мала утеха за Германецот е тоа што во својот втор брз круг успеа да постави подобро време од Луис Хамилтон и утре да стартува од првиот ред.

Британецот, кој на третиот слободен тренинг се заби во заштитната ограда и неговите механичари напорно работеа за да го оспособат болидот, сигурно ќе биде задоволен со својот пласман на третото место.

Друштво во вториот ред утре ќе му прави тимскиот колега Валтери Ботас, а потоа следуваат Макс Верстапен, Даниел Рикиардо, Нико Хулкенберг, Кими Раиконен, Серхио Перез и Кевин Магнусен.

ЕУ покажа дека не е во состојба да ги исполни ветувањата дадени пред скоро две децении во Солун и одлучи веќе да не се преправа.

повеќе

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе