Подарок со посебна вредност

Евгениј Поп Ацев доби кравата и машна што му припаѓале на Димитрија Поповски

Александар Поповски, синот на легендарниот пливачки тренер Димитрија Поповски - Шкипер, на Евгениј Поп Ацев му подари машни што му припаѓале на неговиот татко.

На пречекот што Националната пливачка федерација го приреди за Евгениј Поп Ацев, Александар Поповски како претставник од клубот му го честиташе на пливачот големиот успех и му даде подароци со посебно значење.
 
„Честитки за сето ова што го правиш. Татко ми да беше тука ќе кажеше многу, многу повеќе отколку што јас можам да кажам, но од негово име јас тебе ќе ти поклонам нешто што е негово лично. Тука има една кравата што е меѓу неговите најомилени и една лептир машна, која ќе ти се најде некогаш во животот да си ја ставиш, тоа беше препознатлив знак за професорот. А неговата штоперица е во мојата канцеларија и е подготвена да ја добиеш ти односно твојот татко“, му се обрати Александар Поповски на Евгениј Поп Ацев.
 
Димитрија Поповски Шкипер беше легендарен пливачки тренер, професор и декан на Факултетот за физичка култура во Скопје и долгогодишен селектор на пливачката репрезентација на Македонија.

Нема пазар доколку нема информации. Дајте ги информациите за пазарот на грозје.

повеќе

Овој термин, без исклучок го употребуваат сите партии кога се во опозиција. СДСМ, ВМРО-ДПМНЕ, Алијанса за Албанците, ДПА...

повеќе