Италија Опен

Дождот го спаси, Надал по осми пат шампион во Рим!

Рафаел Надал триумфираше на мастерсот во Рим откако по голема битка го совлада Александар Зверев со 2-1 во сетови

Со помош на дождот, Рафаел Надал се радува на нова титула во Рим, негова осма во кариерата. По голема борба и меч кој траеше над два часа (преку три доколку се земат во предвид и прекините), Шпанецот со 2-1 славеше во пресметката со Александар Зверев.

Рафа одлично го започна мечот и првиот сет го реши во своја корист со 6-1. И кога сите очекуваа лесна победа, Зверев драстично го подигна нивото, врати во ист стил и го освои вториот сет со 1-6.

Германецот продолжи во исто темпо и во третиот решавачки сет, направи брејк и поведе со 1-3, но следуваше десет минутна пауза поради дожд и ова како да го исфрли од ритам. Надал најпрво намали на 2-3, по што двајцата тенисери мораа да се повлечат одново во соблекувалната бидејќи дождот продолжи се посилно да паѓа.

Втората пауза траеше педесетина минути, а по неа имаше само еден играч на теренот. Рафа веднаш го врати брејкот, потоа направи уште еден и на крајот го освои сетот со 6-3.

Со оваа победа, Шпанецот во понеделник одново ќе се врати на првото место на АТП ранг листата.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе