АТП мастерс Лондон

Циципас го изненади Федерер за прво финале во Лондон!

Стефанос Циципас ќе се бори за трофеј во Лондон, Гркот е прв финалист на завршниот турнир откако попладнево со 2-0 во сетови го „сруши" големиот Роџер Федерер.

Роџер Федерер пред два дена одигра маестрално против Новак Ѓоковиќ, го елиминираше Србинот и му ги одзеде шансите да ја заврши годината како прв на АТП листата. Но Швајцарецот денеска немаше одговор за младиот Стефанос Циципас и загуби со 2-0 во полуфинале.

Гркот одлично го отвори мечот, веднаш направи брејк и поведе со 3-0. Потоа рутински го приведе првиот сет во своја корист со 6-3.

Во вториот сет, Циципас одново прв стигна до брејк, но Федерер веднаш возврати и направи ри-брејк, но популарниот Федекс веќе на следниот свој сервис покажа нова несигурност и Гркот ја врати предноста. Потоа со сигурен сервис поведе со 4-2 и на крајот стигна до 6-4 и голема радост.

Тој во финалето ќе игра со подобриот од пресметката помеѓу Доменик Тим и Александер Зверев.

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе