Голем инцидент на меѓународен боречки турнир

БК Бучим Радовиш: Борач на Лирија со нож се обиде да убие наш борач, репрезентативец на Македонија

За време меѓународниот турнир во борење слободен стил во организација на боречкиот клуб „Вардар“, се случил голем инцидент во кој со нож е прободен 15-годишен борач на Бучим Радовиш. 

Од УО на боречкиот клуб Бучим Радовиш преку соопштение го раскажуваат немилиот настан и обвинуваат дека е напревен обид за убиство врз нивниот борач. Тие бараат најстроги казни за сторителите и за напаѓачот и за клубот Лирија. Соопштението ви го пренесуваме во целост:
 
„Управниот одбор на борачкиот клуб „Бучим-Радовиш“ од Радовиш, кој е Европски и Светски клупски првак, по одржаниот состанок ја известува македонската јавност за немилиот настан што се случи за време на одржувањето на Меѓународниот турнир во борење слободен стил во организација на боречкиот клуб „Вардар“, каде имаше намера за убиство на наш борач-репрезентативец на Македонија.
 
Имено, по нарушениот ред и мир на трибините на спортската сала во насебата Радишани од страна на борачите на борачкиот клуб „Лирија“, физички ги нападна борачите на Радовиш, при што еден од борачите на Лирија со остар предмет (нож) крвнички го прободува борачот на „Бучим“ со три убоди во пределот на бутот на десната нога. Толпата од борачи на борачкиот клуб Лирија се дава во бегство кршејки една споредна врата од салата, при тоа криејки ја главата на борачот-сторител со тренерка, за да се избегне негова идентификација. По укажаната лекарска помош, претседателот на БК „Бучим-Радовиш“ со сопствено возило го носи борачот во Ургентниот центар во државната болница каде е примен и му е напревен соодветен третман. Се работи за борач кој е репрезентативец на Македонија за кадети и е најдобар во својата возрасна категорија.
 
Расправајки по овој несакан настан, каде има обид за убиство со умисла, Управниот одбор на борачкиот клуб „Бучим-Радовиш“ од Радовиш од Борачката Федерација на Македонија и организаторот на турнирот БК.„Вардар“ преку делегатот на турнирот и од Министерството за внатрешни работи, каде службени лица излегоа на лице место, ги достават сите поединости како настанал овој случај и ги достават за понатамошно процесуирање и бидат казнети организаторите.
 
Бараме доживотно суспендирање на наведениот борач (кој е пронајден) , а борачкиот клуб Лирија чиј член е сторителот на крвавиот настан, биде најостро казната со напуштање на натпреварите во домашните и мегународните натпревари, во одреден временски период. Исто така бараме од Агенцијата за млади и спорт и Македонскиот олимписки комитет, кои се главни финансиски подржувачи на борењето во Македонија, превземат соодветни казнени мерки против клубовите и поединците кои се носителите на ваквите настани на спортските терени , посебно против спортистите кои го загрозуваат животот и здравјето на своите противници.
 
Борачкиот клуб „Бучим-Радовиш“ по целосното расветлување на случајот ке покрене и приватна кривична пријава против сторителите за надоместок на последици од обид за убиство како и финансиско обештетување за трошоците што ке настанат со лекувањето на борачот.
 
БК “Бучим-Радовиш“Радовиш
 
Радовиш
 
Управен одбор“

Сѐ поочигледно е дека наместо Заев да направи чистка и да замети, граѓаните ќе го изметат него и СДСМ.

повеќе

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе