Како што пренесува Ројтерс, таа држава веќе употребила над 130 милиони дози од вакцините на Синовак и Бајонтек/Фајзер, а почна и со имунизација со бустер доза од вакцините.

Домашната вакцина Турковак минатата недела доби дозвола од турските власти за итна употреба.

Како што се наведува, за првпат од октомври, дневниот број на случаи на коронавирусот неделава скокнал на повеќе од 30 илјади.

Министерот за здравство Фахретин Коча повторно апелираше до граѓаните да примат бустер доза од вакцините.

„Нашата вакцина Турковак ќе почне од денес да се применува во градските болници“, наведе Коча во соопштение.

Тој кажа дека е можно да се прими бустер доза од Турковак вакцината без оглед на тоа која вакцина граѓаните претходно ја примиле.