Полициските службеници биле во рутинска патрола во популарната туристичка област кога влегле во заседа и на нив пукало лице кое било патник во такси-велосипед, изјави началникот на полицијата Шон Фергусон на прес-конференција во близина на местото каде се случил инцидентот.

Тој рече дека не е познато колку истрели биле испукани. Според него, еден полицаец бил погоден под окото во левиот образ и куршумот му останал во главата, и тој се наоѓа во тешка, но стабилна состојба. Другиот се здобил со полесни повреди на раката.

„Ова е мрачен ден за нашите полицајци и ве молам молете се за нив“, рече Фергусон.

Другите полицајци кои одговориле на повикот ги префрлиле и двајцата ранети полицајци во болница, рече тој. Осомничениот бил приведен од други полицајци и исто така бил пренесен во болница, не се знае поради кои здравствени проблеми, изјави шефот на полицијата. Тој додаде дека полицијата воопшто не пукала за време на тој инцидент и дека осомничениот напаѓач не бил „физички повреден“.

„Нашите полицајци немаа никаков судир со тоа лице. „Тие оделе во различни правци кога тој ја преминал раскрсницата и започнал да пука кон нашите полицајци“, рече Фергусон.

Тој додаде дека работат на идентификување на осомничениот кој одбива да го каже своето име или да даде какви било други информации.