Според Уставот, потпретседателот и премиер шеик Мохамед бин Рашид ал-Мактоум, владетелот на Дубаи, ќе ја извршува функцијата претседател додека федералниот совет, кој ги обединува лидерите на седумте емирати не се состане во рок од 30 дена и не избере нов претседател.

Шеикот Калифа, кој е роден во 1948 година, дојде на власт во 2004 година во најбогатиот емират Абу Даби и стана лидер на државата. Се очекува на местото владетел на Абу Даби да го наследи неговиот полубрат принцот шеик Мохамед бин Зајед Ал Нахјан.

Тој беше де факто владетел на Обединетите Арапски Емирати, близок американски сојузник, откако Калифа Бин Зајед Ал Нахјан доживеа мозочен удар во 2014 година, по што ретко можеше да се види во јавноста.

Во ОАЕ е прогласена 40-дневна жалост.