„Поставените услови се дел од новиот начин на плаќање, разработен по незапаметените непријателски акции на економски и финансиски план“ по руската воена операција во Украина, кажа портпаролот на Кремљ Дмитриј Песков.

Тој кажа дека Русија морала да разработи нов начин на плаќање по „кражбата на голем дел од руските резерви“, мислејќи на замрзнувањето на руските девизни резерви од страна на Западот.

„Ова не е уцена“, додаде Песков, реагирајќи на обвинувањата на претседателката на Европската комисија Урсула фон дер Лаен.

Рускиот претседател Владимир Путин изјави минатиот месец дека Русија ќе прифаќа плаќање на испорачаниот гас исклучиво во рубли, како одговор на санкциите воведени за да се казни нападот на Русија на Украина.