Отпорни на ветар и водоотпорни капсули за спиење биле поставени на 8 јануари во парковите на германскиот град Улм, оддалечен 120 километри од Минхен, објави компанијата Улмер нест.

Куќичките се направени од дрво и челик и обезбедуваат доволно простор за две лица. Тие ефикасно штитат од студ, ветер и влага, но во исто време гарантираат циркулација на свеж воздух.

За да се обезбеди приватност на корисниците, во нив нема камери. Инсталирани се сензори за движење за да ги известат социјалните работници дека се отворила вратата, за бездомниците да не се вознемируваат поради чистење доколку ја користат капсулата.

Helping the most vulnerable 👇insulated, secure, weather proof sleeping pods, solar panels, connected to radio network & alerts social services. Pilot in Ulm. For those that can’t get off the streets #creativityforgood [1] #ulmernest [2] #homelessness [3] https://t.co/qsrl548OkH [4]

— Vernon Bainton (@V_Bainton) January 23, 2021 [5]

Овие капсули со футуристички изглед се исто така опремени со соларни панели и поврзани се со радио мрежа, што им овозможува на корисниците да комуницираат со тимот задолжен за одржување без да бидат зависни од мобилните мрежи.

Креаторите Улмер нест рекоа дека кабините се наменети за луѓе кои не можат да ги користат вообичаените засолништа за бездомници, или поради психолошки фактори или затоа што, на пример, имаат домашно милениче.

Објаснија дека се надеваат дека така ќе им помогнат на бездомниците и особено ќе ги заштитат за време на студените зимски ноќи, но посочуваат дека иницијативата не е алтернатива за хостели и безбедни куќи, туку треба да послужи како последно средство за оние кои навистина немаат каде да се засолнат.