ЕМА соопшти дека се потребни повеќе детали за да се види дали сојот, кој има многу мутации, може да ги избегне четирите вакцини моментално одобрени во ЕУ.

„Внимателно го набљудуваме сојот Б.1.21.529, кој неодамна се појави и кој има многу мутации во протеинот на ковид-19“, велат од ЕМА од Амстердам.

Новиот сој на вирусот откриен во Јужна Африка е потенцијално многу заразен, според јужноафриканските научници, и тие гледаат можност дека тој може да предизвика нов бран на пандемијата.

Европската агенција наведе дека сега е рано да се предвидува адаптација на вакцините за да се бори против тој нов сој, но доколку се покаже дека ја пробива нивната заштита и брзо се шири, би имало смисла да се стори тоа.

Денеска Белгија стана првата европска земја во која е регистриран еден случај со сојот омикрон, како што го нарече СЗО.

Европската комисија им препорача на земјите-членки да ги прекинат летовите од земјите во јужна Африка и другите земји погодени од појавата на сојот омикрон.

ЕМА досега одобри четири вакцини за возрасни во ЕУ – Фајзер / Бионтек, Модерна, кои користат информатичка технологија на РНК и Астразенека, Џонсон и Џонсон, кои користат технологија на аденовирус.

„Бионтек“ најави дека очекува да добие податоци за тоа колкава заштита дава нивната вакцина против новиот сој „за најмногу две недели“.