Тензиите се зголемија по одлуката на Франција да го намали бројот на визи за луѓето што доаѓаат од Северна Африка, меѓу кои и за Алжирците. Сепак, тамошните влади одбиваат да ги примат назад мигрантите протерани од Франција.

Алжирскиот амбасадор во Париз беше повикан на консултации во саботата навечер, а за негово повлекување се размислува поради коментарите на Макрон за Алжир. Француските медиуми објавија дека Макрон го коментирал системот на владеење во Алжир по колонијализмот и нивниот однос кон Франција.

Алжирското претседателство рече дека овие коментари се „недозволиво мешање“ во нивните внатрешни работи и дека се навредливи за сите Алжирци што загинале во борбата против францускиот колонијализам.

„Злосторствата на колонијата на Франција во Алжир се безбројни и одговараат на строгите дефиниции за геноцид“, се вели во соопштението.