Небати, кој беше заменик министер, е именуван по оставката на досегашниот министер Луфти Елван откако лирата падна на рекордно ниска вредност.

Падот на лирата на најниската забележана вредност е предизвикан од загриженоста за економската политика на владата по серијата намалувања на трошоците за задолжување и покрај растечката инфлација.

Турската валута изгуби околу 40 отсто од вредноста од почетокот на годината.

Ердоган упорно инсистира дека високите камати ја предизвикуваат инфлацијата, спротивно од вообичаеното економско мислење и јасно даде до знаење дека земјата ќе продолжува да ги намалува каматните стапки.

Поради разликите околу прашањето на каматите Ердоган од 2019 година разреши тројца гувернери на централната банка.

57-годишниот Небати докторирал на областа политички науки и јавна управа.

„Нека Бог ни олесни, а не да ни отежни. Бпже мој, помогни нештата да завршат подобро. Дај ни висина во работата, направи да успееме“, објави Небати на Твитер по именувањето.