Според „Скај Спортс“, Маурисио Покетино е желбата на раководството на Манчестер јунајтед за нов тренер.

Јунајтед синоќа го отпушти Солшер, а во соопштението стоеше дека Мајкл Карик ќе го води тимот во наредните мечеви додека клубот не најде привремен тренер до крајот на сезоната.

Тоа што Манчестер јунајтед е во потрага по привремен тренер кој би работел до крајот на сезоната, е сигнал дека перманентното решение ќе сакаат да го назначан во летниот преоден рок.

Покетино има договор од 18 месеци со ПСЖ со можност за продолжување на уште една сезона, но ако не ја освои Лигата на шампионите не се верува дека ќе остане во Париз.

Тој таму живее во хотел, додека неговото семејство се уште е во Лондон. Аргентинецот наводно им кажал на свои пријатели дека сака да стане нов тренер на Манчестер јунајтед.

Покетино со Тотнем не освои трофеј, но стигна до финалето од Лигата на шампионите во 2019 година.

Втор кандидат за нов тренер на Тотнем е Тен Хаг од Ајакс.

Се верува дека опцијата за назначување на Зидан веќе не е во игра, наводно сопругата на Французинот не сака да се пресели во Манчестер, па тој ќе ја послуша нејзината желба.