Уште една награда за големиот талент на Барселона, откако беше избран за „Златно момче“, вечерва Педри го доби и „Копа трофеј“, признание за најдобар млад фудбалер во изборот на Франс Фудбал.

„Сакам да се заблагодарам на Барса, тренерите, играчите, особено капитените, кои ми помогнаа полесно да се адаптирам. Сакам да му се заблагодарам и на Меси, за се што стори за мене и советите кои ми ги даде“ – рече Педри, кој неодамна наполни 19 години.

Потоа на ред беше новата награда, за најдобар голгетер, која заврши во рацете на Роберт Левандовски од Баерн Минхен.

„Горд сум на овој трофеј. Знам што значи да бидете подготвен да постигнувате голови. Морам да им се заблагодарам на соиграчите и тренерите, без нив, немаше да успеам. Сакам да му се заблагодарам на семејството, тоа ми значи многу, ме туркаат да продолжам“ – вели Полјакот.