Ѓоковиќ испиша нова историја, Србинот по седми пат ќе ја заврши годината како број 1!

Новак Ѓоковиќ се пласираше во финале на мастерсот во Париз откако со 2-1 во сетови го совлада Хуберт Хуркач, победата значеше нова историја, Србинот по седми пат ќе ја заврши годината како број 1 на АТП листата.

Новак Ѓоковиќ ќе се бори за трофејот на мастерсот во Париз, Србинот вечерва со пресврт славеше со 2-1 против Хуберт Хуркач.

Полјакот го доби првиот сет со 6-3, но популарниот Ноле одигра фуриозно во вториот сет и го освои со 6-0. Во решавачкиот трет сет имаше голема борба, на крајот Новак Ѓоковиќ во тај-брејк стигна до 7-6 и големо славје.

Победата не само што му донесе финале во Париз, значеше и прво место на АТП листата во 2021, па тој испиша нова историја и стана првиот тенисер кој седми пат годината ја завршува како број 1.

Извор: https://www.mkd.mk/sport/drugi-sportovi/gjokovikj-ispisha-nova-istorija-srbinot-po-sedmi-pat-kje-ja-zavrshi-godinata

Links
[1] https://twitter.com/DjokerNole?ref_src=twsrc%5Etfw
[2] https://twitter.com/FedEx?ref_src=twsrc%5Etfw
[3] https://t.co/DTmYrmQfUw
[4] https://twitter.com/atptour/status/1457009289176907779?ref_src=twsrc%5Etfw