СДСМ реагира: ВМРО-ДПМНЕ шири невистини, не знае што е инвестиција

ВМРО-ДПМНЕ не прави разлика што е штедење, а што инвестиција, капиталните инвестиции нема да запрат, реагира СДСМ на изјавата на Димче Арсовски [1] и обвинувањата дека антикризните мерки на Владата се само на хартија.

„ВМРО-ДПМНЕ продолжува да шири невистини, во Белата палата немаат капацитет да направат разлика што е тоа штедење, а што инвестиција.

Владата предводена од СДСМ ги рационализира буџетските трошоци и парите ги насочува кај граѓаните. Со 400 милиони евра директна помош за стандардот на граѓаните и стопанството.

Изградба на објект за владина институција е капитална инвестиција, а капиталните инвестиции во државата нема да запрат ниту во време на криза.

Непродуктивно трошење се потрошените милиони евра народни пари од страна ВМРО-ДПМНЕ за споменици, лажен барок, жални врби и фонтани како и сегашните милиони евра за партиски вработувања од страна на градоначалниците на ВМРО-ДПМНЕ“, пишува во соопштението од СДСМ.