Патоказната сообраќајна табла над семафорите се заканува да падне и да повреди некого. Пешаците и патниците во возилата се во опасност доколку таа не издржи до доаѓањето на екипите за интервенции. Може да се претпостави дека таа табла при паѓањето би била опасна како остар нож бидејќи е метална, а покрај тоа има и своја тежина. Како што може да се забележи, станува збор за тријазична табла, која била поставена врз претходната двојазична, а која покажува во кој правец да се продолжи патувањето за да се пристигне во Софија.