Координаторот на пратеничката група на СДСМ, Игор Ивановски, побара од претседателот на парламентот Трајко Вељаноски да се разговара за, како што рече, партиско-полициските методи што вчера беа применети за да се спречи новинарскиот протест, и да се направи проверка кој од МВР дал налог за тоа. Според Вељаноски, за закажувањето седница на Постојаната анкетна комисија е надлежен претседателот Беким Фазлиу.