Папата попладнето го посети женскиот затвор Ребибија, кој се наоѓа во североисточниот дел на италијанската престолнина.
Седејќи во инвалидска количка, 87-годишниот папа им ги изми нозете на сите 12 затворенички, од кои некои беа во солзи, пред да ги избрише со крпа и да ги бакне.
Pope Francis, 87, from a wheelchair, washes the feet of 12 female prisoners at Rebibbia prison, Rome.
Emotional scenes with Francis emphasising in his homily the importance of humility, service, forgiveness. #holythursday pic.twitter.com/QDOR1yVS2t
— Christopher Lamb (@ctrlamb) March 28, 2024
Светиот Отец се чинеше дека е во добра форма, иако последниве денови во медиумите се шпекулираше за неговата здравствена состојба поради честите инфекции кои во неколку наврати го спречија да ги заврши говорите.
„Сите доживуваме мали и големи неуспеси“, рече Франциско во импровизирана проповед за време на мисата одржана во срцето на затворот каде што се притворени 370 жени.
Pope Francis today washed the feet of 12 women, as he concelebrated the Mass of Lord’s Supper at the Rebibbia Women’s Prison in Rome pic.twitter.com/VSZGxuFaL6
— Catholic Sat (@CatholicSat) March 28, 2024
Неколку минути претходно Франциско насмеан се ракуваше со затворениците. Во христијанската традиција, Велики четврток го означува денот кога Исус им ги измил нозете на апостолите за време на последната вечера.
Од неговото назначување во 2013 година, Франциско е чест гостин на затворите или прифатните центри за бегалци, каде им ги миел нозете на поранешни мафијаши, болни или маргинализирани лица.
Се очекува тој да го води Крстниот пат во Колосеумот во петок навечер.