Народна банка соопштува дека се погрешни информациите кои вчеар се објавија по социјалните мрежи и некои портали дека е покачен курсот на еврото. Во објавите се прави забуна помеѓу курсната листа [1] за вршење на платен промет со странство за потребите на државните органи, со средниот курс кој е релевантен податок за вредноста на валутите.

Народната банка располага со низа инструменти со коишто ја гарантира стабилноста на денарот во однос на еврото. Девизните резерви коишто се клучни за одржување на стабилноста на курсот на домашната валута се на високо ниво - двојно повисоко од пред глобалната економска криза во 2008 година, соопшти НБ.