Во Скопје вчера казнети 53 лица кои возеле под дејство на алкохол

На територијата на Скопје вчера полицијата изрече вкупно 218 мерки за прекршоци во сообраќајот, а од нив 53 се за возење под дејство на алкохол, 22 за возење без возачка дозвола и 20 за возење повеќе од дозволената брзина.

Изречени се и 10 мерки за технички неисправни и нерегистрирани возила, 14 за некористење сигурносен појас, 11 мерки за возач почетник, како и девет за користење мобилен телефон.

МВР најавува дека засилените акциски контроли продолжуваат и во наредните денови и апелира до граѓаните да ги почитуваат сообраќајните правила и прописи за да се зголеми безбедноста во сообраќајот.