Побарани казни од по 2.000 евра за уште тројца прекршители на полицискиот час во Скопје

Предлог за издавање казнен налог против уште три лица од Скопје поднесе Основното јавно обвинителство Скопје вчера попладне. Обвинетите на 24 и 25 март на различни локации во Скопје биле затекнати во непочитување на полицискиот час.

Надлежниот јавен обвинител на Основниот кривичен суд Скопје му предложи на секој од обвинетите да му изрече парична казна од 100 дневни глоби, при што висината на една дневна глоба да биде определена на 20 евра во денарска противвредност.