ПОЕЗИЈА

Слобода – Цане Андреевски

Цане Андреевски (1930) е поет, раскажувач и писател за деца. Како човек е тивок и скромен, и веројатно многумина заборавиле дека пишува исклучитено убава поезија. Тука објавуваме една негова песна да ве потсетиме на убавината на неговите стихови и безвременоста на нивните пораки.

Цане Андреевски

Не само да те споменувам.
Не само да те придружувам.
Не да те имам како сочен плод
туку како мала семка
од која секој нов ден
нов плод ќе смислува.
Не да сум сенка под твојата сенка,
не да обневидам од твојот сјај,
туку да имам сили, и машкост
да те кренам, да те исправам
пред лицето на друга вистина,
па да зазборуваш со друг јазик
непознат, и за оние
што говорот ти го дадоа.
Не да те леам од бронза
над која времето, ѕвездени заблуди ќе кове
туку да те среќавам, мудрец на распаќа
мудрец што лесно не се препознава.
Не само да те споменувам.
Не само да те придружувам.
Да те имам кога те немам.
Да те бранам и од оние што те бранат.

Еден проблем кај Трамп е тоа што му е опсесија да изгледа „силен".

повеќе

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе