Поезија

Премногу – Никола Кукунеш

Никола Кукунеш живее и работи во Струга. Тој е професор по македонски јазик и литература, преведувач и вљубеник во фотографијата. Со години е дел од Струшките вечери на поезијата со цел да остави што повеќе фотозаписи од поетите и учесниците на фестивалот. Дека во него тлее и поетска искра покажуваат овие стихови што го откриваат горчливиот вкус на животот, воопшто.

ПРЕМНОГУ
На ниските по дух

Премногу сум ’рбетник
за да се стуткам
во школка од полжав,
што лигаво ползи.

Не сакам таква да оставам трага.

Премногу сум човек
и за гола коска не станувам пес,
цртајќи бесконечност
со опашот што мавта.

Тоа им го оставам на гладните за стопан.

Премногу сум горд
за да клекнам,
та и ничкосан долу
моето јас ќе пркоси простум.

Така треба.

Премногу сум тивок,
а знам да викнам.
Тишината нека ви го морничи сонот,
нека ви ги костреши утрата
и тревожи дните.

Белки, со неа ќе ја запретате
смрдената дупка – онаа
каде што ви скапа совеста.

(2018)

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе