Нашиот македонски јазик
Нашата македонска култура,
Нашата македонска книжевност,
Нашето македонско оро,
Нашите македонски обичаи...
На дрворез од памтивек изрезбани,
Од иконописци и зографи исцртани,
На света книга запишани,
Со филигран изгравирани,
Од стари мајки извезани,
Од бисерно зрно изникнати,
До сонцето разгранети.
Така се исцртани,
Така се изрезбани,
Така се изгравирани,
Нашите македонски корени.
Тоа се нашите авторски права!
Тоа се нашите историски тапии!
Тоа се доказите,
Неизбришливо засекогаш запишани
Со крв-мастило од пера свети
За македонштината излеани
Низ жилите наши живо разлеани.
Имаме богата житница наша,
Извор непресушен на духовна храна,
И дури во дамарите силно ни бијат
Вековните идеали
Низ жилите река татковинска
Нескротливо под сонцето
Ќе буботи, ќе сведочи,
За нас со векови ќе тече.
