Четворица малолетници признале во полиција дека краделе компјутерски делови во училиште

„Полициски службеници од криминалистичката полиција на СВР Битола, по преземени оперативни мерки во СВР Битола повикале на разговор четворица малолетници, сите од селото Долно Оризари, битолско, во присуство на нивните родители. Тие се сомничат дека извршиле дело тешка кражба на делови од компјутери од подрачното училиште „Даме Груев" во селото. Малолетниците во целост го признале кривичното дело, предметите се пронајдени и ќе бидат вратени на сопственикот, а по целосно документирање на настанот ќе биде поднесен соодветен поднесок. Во текот на денешниот ден, исто така, полициски службеници од криминалистичката полиција на СВР Битола во населба Баир во Битола го пронашле патничкото моторно возило марка југо со битолски регистарски ознаки, кое од страна Ј.Ј.(82) од Битола било пријавено за украдено. Возилото е вратено на сопственикот“, се вели во соопштението на МВР.