Собранието доби три куполи

Новиот изглед на зградата на Собранието на Република Македонија веќе се наѕира. Стаклото на новите куполи веќе е речиси поставено. Малите куполи и челичната конструкција се изработени од македонската фирма „Факом“, а стаклата се од шпанската фирма „Ланик“, која ја изработи и челичната конструкција за големата купола.

Малите куполи се со дијаметар од 6 метри и висина од 3 метри. Под големата купола (дијаметар 32 метри и висина од 10 метри) е новата сала од 600 квадратни метри. Големата купола е изработена од два вида стакло - во долната зона има потемно стакло, а во горната зона е посветло и нивното спојување ја формира буквата „М“ на три места.

Реконструкцијата на објектот на Собранието почна во април 2012, а се планира да заврши во ноември следната година. Со проектот се предвидува изведување на нови 3.900 квадратни метри и адаптирање на 840. Изведувач на работите е градежната фирма „Бетон“ АД Скопје.

Проектот треба да чини 11 милиони евра.

[imagebrowser id=265]