Македонија

Останато од Македонија

ВМРО-ДПМНЕ останува на барањето за брзи предвремени парламентарни избори, a во таа насока, како предизвик до власта која не отстапува од ставот да нема избори до крајот на мандатот на Владата во 2024 година, опозициската партија за утре најави дека во Собранието ќе достави предлог за укинување на „пржинската“ Влада. Овој вид на техничка Влада, со учество и на опозициски претставници сто дена пред парламентарни избори беше договорена во времето на политичката криза од 2015 година, во таканаречените Пржински преговори со странско посредништво. .

23 Јануари 2022 - 08:50

Во текот на февруари Сојузот на синдикати на Македонија ќе започне кампања со која секој месец ќе бидат опфатени по две дејности во кои ќе се анализира дали навистина се почитува исплатата на дневница на работниците за работа во недела, кои мора да бидат минимум 50 отсто зголемена дневница, вели претседателот на Синдикатот Дарко Димовски. Тој вели дека е изненаден што Стопанската комора најави можност да го повлече барањето до Уставниот суд со кое сакаше да го оспори законското решение за исплата на дневници за работа во недела.

23 Јануари 2022 - 08:32

Недела неработен ден е озаконет проект на Владата предводена од СДСМ кој ги унапредува работничките права. Трет викенд по ред недела е неработен ден за 92 отсто од сите работници, а оние осум отсто кои денеска работат добиваат од 50 до 100 отсто повисоки дневници, се вели во соопштението на СДСМ.

23 Јануари 2022 - 08:15

Во земјава и натаму е присутен делта сојот на коронавирусот кој дава потешки симптоми на болеста, а омикрон варијантата секојдневно ги полни лабораториите каде се прават тестови за ковид-19. Деновиве на дневна основа позитивни се близу две илјади тестови од направените,  секојдневно имаме по околу десет починати лица и повеќе, а вчера се регистрирани 21 смртен исход од ковид. Во исто време расте притисокот врз болниците. Распустот на учениците затоа е продолжен до крајот на месецов, на работа не одат наставниците, а во многу дејности вратено е онлајн работењето.

23 Јануари 2022 - 08:07

Времето денеска ќе биде сончево со мала до умерена облачност, многу студено и ветровито. Ќе дува умерен до засилен ветер од северозападен правец. Кон крајот на денот особено на североистокот облачноста ќе се зголеми и ќе има слаб локален снег. Минималната температура утрово се движат во интервал од -13 до -3, а максималната ќе достигне од -4 до 3 степени.

23 Јануари 2022 - 07:57

Со паралелно тестирање на грип и на ковид-19 во лабораторијата на Институтот за јавно здравје добиени се седум тестови позитивни и на двете вирусни заболувања, на ковид-19 и на грип, односно на флурона, како што стручно е именувана оваа двојна зараза. До 16 јануари годинава во Македонија се регистрирани 2.653 случаи на грип, што е за 6,1 пати повеќе во споредба со претходната сезона карактеристична за вирусното заболување - грипот, а е помал бројот на болни во споредба со сезоната која претходеше на појавата на ковид-19, но воопшто и во поглед на десет години пред тоа. 

23 Јануари 2022 - 03:29

Неговата Божествена Сесветост, Патријархот Вартоломеј испрати пораки со честитки од името на Вселенската Патријаршија до новоизбраниот македонски премиер Димитар Ковачевски.

22 Јануари 2022 - 21:52

И по 21 година, кога на денешен ден во 2001 година УЧК ја нападна полициската станица во Теарце, македонски бранители и натаму се соочуваат со проблеми на нерешен статус, а од четворица ранети бранители веќе неколку години се бара да го враќаат паричниот надомест кој го земале како отштета од државата, изјави претседателот на партијата Достоинство, Стојанче Ангелов, кој со неколкумина сопартијци и соборци денеска положи цвеќе на споменикот на бранителите во Скопје. Toj рече дека од ДУИ има разбирање, а во понеделник ќе достави обновена иницијатива до Владата.

22 Јануари 2022 - 21:36

Во последните 24 часа регистрирани се уште 1.913 заразени лица со ковид-19 од направени 7.219 тестови, од кои 243 лица повторно се позитивни на вирусот. Починати се 16 лица во овој временски период, а запишани се уште пет смртни случаи регистрирани со МојТермин, oд починатите 10 биле целосно вакцинирани. По Скопје со близу 11 илјади активни случаи, е Битола со 1.650 болни, односно позитивни на вирусот.

22 Јануари 2022 - 20:19

Охридскиот градоначалник Кирил Пецаков е можно да добие кривична пријава затоа што ден пред Водици направил ковид-тест, а следниот ден учествувал на прославата на Водици кога се фрлаше крстот во Охридското Езеро и притоа дури и не носел маска на лицето.  Тестот што го добил бил позитивен на вирусот, но тој, сомневајќи се дека не соодветствува со неговата здравствена состојба направил уште еден во растојание од 36 часа, а тој бил негативен. Според владините уредби, од моментот на правање на тестот, секое лице е во самоизолација до добивање на резултатот.

22 Јануари 2022 - 19:06

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе

Платформата е формирана на 9 мај 2018 година во рамките на проектот на УСАИД, во која се вклучени 4 комори за да се зајакне јавно-приватниот дијалог во процесот на подготовка на донесување закони и други прописи поврзани со работењето на бизнисот.

повеќе