Азири не се вратил во затвор од март

Затворот во Штип го води болниот обвинет од „Монструм“ како осуденик во бегство

Фејзи Азири кој е обвинет во случајот „Монструм“ и поради кој се одложи денешното рочиште за случајот „Монструм“ во затворот во Штип се води како осуденик во бегство. Оваа информација за МКД.мк ја потврди директорот на штипскиот затвор, Мики Тодоров.

Првиот човек на штипскиот затвор во телефонски разговор вели дека лицето Фејзи Азири кој во затворот во Штип издржува казна за друго кривично дело по истекот на прекин на казната не се вратил назад во затворот. 

„Фејзи Азири имаше прекин на казната од 30 јануари до 28 февруари годината кој му беше доделен од министерот за правда. По истекот на прекинот тој не се врати назад во затворот, ниту го оправда своето отсуство со било каков писмен документ. Ние го известивме судот и Управата за извршување на санкции и по закон треба да се распише потерница. Ние овде го водиме како лице во бегство“, ни изјави директорот на затворот во Штип, Тодоров. 

Денешното рочиште за петкратното убиство се одложи поради отсуство на Азири кој, според документот кој го приложи неговиот адвокат, е на болничко лекување. 

К.Д.

Универзитетите повеќе не се место за натпревар помеѓу кандидатите во креација, научна продукција и сл., туку место за „вдомување“ на партиски активисти.

повеќе

Спортските организации својата активност премногу ја имаат насочено кон дејноста спорт како игра, тренирање или бизнис, а не кон спортот како социјална потреба во функција на подобрување на општествените состојби.

повеќе

Н е јасно како оваа одложена покана е поразлична од онаа од Самитот на НАТО во Букурешт во 2008 година.

повеќе